Read zande ARomo 2 Bible Online

ARomo 2 - zande bible

ARomo 2

¹Ako gu boro ka sapa ngbanga, ba ti birí ti ro te, bambiko gu pai mo nisapu ngbanga kura boro rogo, kina ro nakita ngbanga tiro rogo; bambiko gu pai mo nisapu ngbanga ha kina ha mo namanga.

²Ani ini aina ya ga Mbori sapangbanga du sangba rengo yo kuti agu aboro namanga tunga agu apai re.

³Ako gu boro nasapa ngbanga agu aboro namanga tunga agu apai re, ki nimangi wo, ya mo tigamo, mo amerft amerã be ga Mbori sapangbanga?

⁴Mo gberẽ na gu ũkumuko nga ga gako weneringise na zera na hipai, wa mo aina nga ga Mbori weneringise nangbe foro mbata yo sa saberã ya?

⁵Ono mo nadungura zinga kuti ro ku rago zinga na rago yugo ga Mbori ruru sapangbanga ku sangba nyanyaki riro yo na ngbaduro zanga saberã.

⁶Ko nikaringbisa ahe fu aboro dũ kuti gayo mangaapai.

⁷Mbori afú nyenye unga fu agu yo nagbata taarimo na irisa na zangazirã be zeresa ngbaduse namanga gu pai ngba angba.

⁸Ono ko afú zinga na era fu agu yo namanga gbarakagbaraka, agia nga sangba rengo ya, nigi kina sangba irairapai.

⁹Rungosi na nunga, ku ri agu yo dũ namanga gbegberẽ, fu aYudo mbata na aGiriki a.

¹⁰Ono taarimo na irisa na zereda fu agu yo du namanga wenengaĩ, fu aYudo mbata, na fu aGiriki a.

¹¹Bambiko aboro bangiri Mbori sa.

¹²Bambiko agu yo zanga ina rugute mangi gbegberẽpai i akpi zanga rugute a; agu yo tii rugute mangi gbegberẽpai kuti rugute i asapa ngbanga yo asapa ku sangba rugute yo.

¹³Bambiko agu yo nagia rugute agia i nga ruru aboro bangiri Mbori te, kina agu yo namanga sangba rugute i ka i di pai ri yo.

¹⁴Ni gu rago zanga aGendiria rugute i namanga agu apai amanga nga ga rugute rogo sinoyo yo, agi yo zanga rugute re, i nga rugute fu tiyo;

¹⁵wa i nayugo gu mangapase nga ga rugute du kpotoyo yo ni keke he. Sangba kpotoyo yo nga dezirehe, boro gayo aberã nakua ngbanga yo na watadu si naida gayo mangapai.

¹⁶Wo si nikadu ni gu rago Mbori ka sapa ngbanga ga aboro gbugbu apai, ku sangba gi wene pangbanga yo, rogo Yesu Kristo yo.

¹⁷Ono si ngia rimo Yudo ti ro, nakida kuti rugute, ki niabia tiro ni rimo Mbori,

¹⁸ki ini gu pai ko akpi nyemu he, ki rugu tiro na agu apai ngba gbe, wiriki mo ti rugute,

¹⁹ki ini aina ni tiro ya mo nga ngbembatayo fu airavurari, nga imarago fu agu yo du bitimo yo,

²⁰nga rugu airamungo, nga bayugupai fu fogo agude, du na kpia inahe na rengo rugute yo―

²¹si du wa mo niyugu pai ti ni fu kura boro, mo nayugo nga pai fu tiro te? Wa mo nitungusi pai fu boro ya ka ni dĩ nga he ya, mo nadĩ he?

²²wa mo naya ka boro mangi nga bari na dia boro ya, mo namanga bari na dia boro? Wa mo nine kpiaahe, mo natuka he rogo abambu kpiaahe yo?

²³Wa mo naabia tiro rogo rugute, mo agbarasa nga rimo Mbori mbiko ga tindika te?

²⁴“Bambiko i nagberã ngbayo yo ti rimo Mbori dagba aGendiria mbiko ro,” wa du he ni keke he.

²⁵Bambiko ka mo amanga sangba rugute, pai dũ adu ti yeratise ni rengo, ono ka mo ti ndika, ga yeratise si du nga ni yeratise te.

²⁶Ka si du wa zangayeratise ka kuti sangba rugute, i ya nga ti gani zanga yeratise yeratise te?

²⁷Gu zangayeratise nga ga sino, ka ni mangi rugute, mo vura du na keke he na yeratise niti ndika, ni sapu nga ngbanga ro te?

²⁸Bambiko Yudo nga ni ti kina kpotoni te; na gu yeratise du ti kina kpoto, si nga yeratise te:

²⁹ono Yudo nga ni kina kpotoni yo; yeratise nga kina ga kpoto yo, kina rogo Toro yo, keke he te; gani tambuahe nga ga boro te, kina ga Mbori.