Read zande ARomo 4 Bible Online

ARomo 4 - zande bible

ARomo 4

¹Ani aya Abarayama abi gini pai tie, nangia bambata barani ni borose?

²Bambiko ka i adi pai ri Abarayama mbiko mangaapai si ngia pai ho ka ko asambua tiko ti ni, ono ka ko asambua nga tiko fu Mbori te.

³Bambiko ya Ziazia Kekeapai wãi? “Abarayama aidi gu pai Mbori agumba, si du Mbori aya ti ni ko ni ruru ko.”

⁴Were gu ni namanga apai, i ageda nga gu mosoro fu ni nga ga undahe te, ono kina ga bape.

⁵Ono gu ni amanga nga pai ya ki idi kina pa gu ko nadia pai ri azangasinombori, mbiko gani idapase Mbori nasa ni ni ruru boro.

⁶A wa Dawidi aya maku du fu gu boro Mbori naya ti ni ni du ni ruru ni, kpara ti mangaapai,

⁷niya “Aboro maku nga agu yo vu yo yo ti gayo ingaapai, nga agu yo dadi yo gayo gbegberẽapai;

⁸boro maku nga gu boro Gbia ageda nga gani gbegberẽpa, kuti ni ya.”

⁹Watadu i fu gi maku re tie fu kina ayeretise na fu azangayeratise a? Bambiko ya ani, mbiko ga Abarayama idapase Mbori aya ti ko ruru boro nga ko.

¹⁰Mbori awiri pa gumba ha wo wãi tie? Watadu ho ko adu ni ni yeretise na ni zangayeratise? Ni yeretise te, ono ni zangayeratise.

¹¹Ko ki di gu pai i aina pai ti ni ku gume nga yeratise, nga dezirepai ya mbiko ga Abarayama idapase Mbori aya ti ko ruru boro nga ko mbata i nikayera ko. Were ko du ni ba fu agu yo dunduko naida pa Mbori, Mbori ki ya ti yo ruru aboro nga yo, ka i avura du nga ni ayeretise ya.

¹²Abarayama ki du ni ba fu ayeretise mbiko kina gayo yeratise sa te, ono bambiko i naapeka gu idapase nga ga barani Abarayama nadu ti ko ho ko adu ni ni zanga yeratise.

¹³Bambiko gu kidohe Mbori afu he fu Abarayama na ngbatungako ya zegino adu ni gako, si adu nga mbiko rugute te, ono mbiko ko aidi pa Mbori, Mbori ki ya ruru boro nga ko.

¹⁴Bambiko ka aboro rugute du ni airakumbo, idapase du nga ni he te, kidohe adu nga ni he a te.

¹⁵Bambiko rugute namanga pa zinga; ono ho adu nga rugute ni ya, tindika ho a te.

¹⁶Si du du he ti ni ni ga idapase, si du ku sangba undahe yo; tipa nyakasa kidohe fu ngbatungayo dunduko ni rengo, fu kina gu du ni ga rugute sa te, fu gu adu ni ga gu idapase nga ga Abarayama, nga barani dũ,

¹⁷wa du he ni keke he ya, “Mi asa ro ni ba fu dungu rika aboro” barangba gu ko ko aidi pa ko, nga kina Mbori, gu ko nafu unga fu akangba, ki nigumba pa agu ahe adu nga ya, a wa ka si du.

¹⁸Ti gu rago ndu maabangirise adu nga te, Abarayama amoi bangiriko ti kidohe, ki idi pa ha aida, si du du ko ti ni ni ba fu dungu rika aboro, ku sangba gu pai yo i agumba ya, “Ngbatungaro adú adu wo.”

¹⁹Ko aberẽ he ya boroko wiri kpio awere garãko du wa ka si du 100, na kurugbo rukumbu Sara, ko arungbura nga rogo idapase yo te.

²⁰Ii, wa ko angera ti ga Mbori kidohe, ko awo nga rogo idapase yo te, ono ko adi be pai adia na nyaka rogo idapase yo, nifu taarimo fu Mbori,

²¹ki ini aina ni rengo ya gu pai Mbori akido he ti ni, ka ko mangi he amanga a.

²²Si du Mbori aya ti ko ruru boro nga ko mbiko idapase.

²³Gu pai nga Mbori aya ti ko ruru boro nga ko si ni keke he mbiko kina ko sa te,

²⁴ono tipa rani nga agu rani Mbori naya ti rani ani ni ruru rani naida pa gu ko nazingisi Yesu gaani Gbia dagba akangba,

²⁵ko i afu ko sa kpio tipa gaani tiandika ki zingisi ko sa dia pai ri rani.