Read zande ARomo 6 Bible Online

ARomo 6 - zande bible

ARomo 6

¹Ani aya wãi tie? Ani nimángi gbegberẽpai amanga undahe moi pai?

²Wo te. Agu rani nakpi ti ingapai, ka ani wiri pa du ni ungarani na gbegberẽpai wãi kindi?

³Oni aina nga ya agu rani dunduko i abapatizi rani ku rogo Kristo Yesu yo i abapatizi rani ku rogo kpioko yo te?

⁴Si du i akpisidi rani ti ni na ko ku rogo kpio yo mbiko bapatiza, ya wa Kristo azingi dagba akangba be ga Bako taarimo, ani ta a wo ni vovo ungarani.

⁵Bambiko wa ani adu na ko sa mbiko wira kpioko, kina wo ani ka du a mbiko wira zingako;

⁶niini gi nga i awagi kuru bororani na Kristo re, boro ingapai go, ka ani adu nga ni zizi aboro fu ingapai kindi ya;

⁷bambiko gu ni kpi i di pa ingapai ri ni.

⁸Ono wa ani akpi na Kristo ani idi pa gu pai nga ani adú ni ungarani a na ko;

⁹niini ya Kristo azingi dagba akangba koakpí nga berewe te; kpio afú nga ri ko berewe te.

¹⁰Bambiko gu kpio ko akpi, ko akpi fu ingapai bara sa; ono gu unga du ko ni, ko ni ungako fu Mbori.

¹¹Kina wo ka oni niya tigaoni oni akpi fu ingapai, ki du ni ungaroni fu Mbori rogo Kristo Yesu yo.

¹²Si ka ingapai akindo nga ti ni kurugbo kpotoroni yo, oni gi sangba gu nyemuhe ugagahaya.

¹³Ka oni afú nga apa bororoni fu ingapai ni úsunge sa irairapai ya; ono oni fú tironi fu Mbori wa zingi oni dagba ikangba ni ungaroni, na aparoni ni úsunge sa rurupai fu Mbori.

¹⁴Bambiko ingapai afú nga ri roni te; bambiko oni tii rugute te, oni kina tii undahe.

¹⁵Wãi tie? ani aínga pai bambiko ani tii rugute te, kina tii undane? Wo te.

¹⁶Oni aina nga ha te? ya gu ni oni afu tironi fu ni ni kanga sa gia sangbani, oni nga ga gu ni kanga oni agia sangbani; watadu fu ingapai sa kpio, na fu giasangba sa du oni ni ruru roni bangiri Mbori.

¹⁷Ono tambuahe du fu Mbori, ya, wa oni avura du ni akanga ingapai, oni agi sangba gu yugopai i amoi ri roni, kpotoroni yo;

¹⁸wa i nakusi roni be nigapai, oni ki ye ka du ni akanga rurupai.

¹⁹Mi nagumba ha rogo fugo aboro bambiko ga bororoni rungbura; mbiko wa oni afu aparoni ni akanga fu nibirikooai na ingapai sa ingapai, kina wo ka oni nifú aparoni ni akanga awere fu rurupai sa ziazia pai.

²⁰Bambiko ho oni adu ni ni akanga ingapai, oni ara nga fu rurupai te.

²¹Gini zuzuhe tie nadu ti roni ni gu rago re be agu apai zee amanga roni ti ni awere? Bambiko digida agu apai re nga kpio.

²²Ono awere i kusi roni be ingapai oni ki du ni akanga fu Mbori, zuzuroni ti roni sa ziazia pai, digidaha nga nyenye unga.

²³Bambiko mosoro ingapai nga kpio; ono ga Mbori gamunihe gbua nga nyenye unga rogo Kristo Yesu yo gaani Gbia.