Read zande 1 AKorindo 4 Bible Online

1 AKorindo 4 - zande bible

1 AKorindo 4

¹Boro bérẽ pa rani wo, wa du ani ni ga Kristo amoyambu, ki du ni abaringbisi ga Mbori gbugbu apai.

²Were tipa gi pai re a, gu pai i nakpi nyemu he ti abaringbisipai nga, boro du ni irarengo.

³Ono ka mi du ni wisigiwisigi re be roni, na be ga aboro wisiga pai, si ni toni wiri pai bangire: ii, mi nawisiga nga tire ni tire a te.

⁴Bambiko mi aina nga pai kuti re te; ono i adia nga pai ri re mbiko gere te; ono gu ko nawisiga re nga Gbia.

⁵Wa du he were tie ka oni sápu nga pai mbata fu regbo ho wa sa ya, daho Gbia ka ye ni, ko akúsa gu okooko apai nga ga bitimo ku rogo imarago, ki yugu gu berã du kpoto aboro yo. Aboro ki du na tambuahe be Mbori rengbe arengba.

⁶Were agi apai re, awirina, mi aringbisi he kuti rani na Aporo ni kpiahe mbiko roni. Oni wíriki gu pai ti rani nga ka oni susi nga ri agu apai du ni keke he ya; ya ka gu ni du nga ni endeende ni gu ni kuti gu ni dagba roni yo ya.

⁷Bambiko da nasa roni oni du akia? Gini ne du be ro Mbori afu nga ha foro ya? Ono si ngia i afu he foro, tipagine mo asambua he ti ni, wa ka mo adi he tigamo?

⁸Ya oni oni aima mbika, oni aima kumuko, oni ada rogo gaoni ngbi he rani. Ii, ka oni ye ku rogo gaoni ngbi ka si angba ti re; ani du rogo ho na oni.

⁹Bambiko, ya mi, Mbori amoi rani nga amokedi ku mburu sa yo, wa agu aboro i aringbisi yo sa kpio. Bambiko i sa rani ni au ngana he fu zegino, fu amaraika na fu aboro.

¹⁰Ani nga airamungo mbiko Kristo, ono oni nga airatatamana rogo Kristo yo; ani du rurungbura, ono oni du nyanyaki; oni du na taarimo, ono ani du ba wasiro.

¹¹Gomoro namanga rani dati kina gi rago re, na gomoro ime, na zingo roko, i naturã rani, ka ani adu nga na nyenye ba be rani ya.

¹²Ani namanga sunge, nimangi he ni kina berani. 1 nasenga rani, ani ki fu maku; i narungosi rani, ani ki hi he.

¹³I nagberẽsa rimorani, ani ki zungadi yo. I sa rani ni umu zegino, rufura ahe dunduko, da kina areme.

¹⁴Mi ake nga agi apai re ka ba zee ti roni te, ono ka ruga roni wa du oni ni awire mi nakpi nyemu roni.

¹⁵Bambiko ka abayugupai avura du fu roni wa 10,000 rogo Kristo yo, oni du nga na dungu abaroni te. Bambiko mi navungu roni rogo Kristo Yesu yo mbiko wene pangbanga.

¹⁶Mi nazungadi roni tie, oni dú ni awiriki pa du wa mi.

¹⁷Bambiko si miu akedi Timoteo ti ni koyo au oni ni, ko nga irarengo wire mi nakpi nyemu ko rogo Gbia yo, ko atingida sinore fu roni du rogo Kristo yo, a wa mi nayugo ho fu akanisa rogo arago dunduko.

¹⁸Were agu yo naenda wa ka mi agumba nga ye koyo du oni ni ya.

¹⁹Ono mi ayé aye mbembedi, ka Gbia idi he; mi ki ini gu tandu nga ga agu yo naenda, kina fugoyo te.

²⁰Bambiko ga Mbori ngbi adu nga rogo gumba pai yo te, ono rogo tandu yo.

²¹Gine oni akpi nyemu he? Watadu ye mi koyo du oni ni na Kpudu, na rogo nyemuse na bayee toro?