Read zande 1 AKorindo 5 Bible Online

1 AKorindo 5 - zande bible

1 AKorindo 5

¹I nagumba ha ya pa bari dagba roni, nga gu pa bari adu nga dagba aGendiria a ya, ya gu ni at dia oani.

²Oni ki niende aenda ka oni arungo nga ya, i di gu ni namangi gi pai re ku sa yo dagba roni yo.

³Bambiko mi, wa du borore ku sa no, mi ki du yo ni torore, mi aima sapa ngbanga gu ni mangi gi pai re, wa ka mi adu yo,

⁴ni rimo gaani Gbia Yesu, oni dúngura tironi, na torore, ni gu tandu nga ga gaani Gbia Yesu,

⁵ka fu gi ni re fu Satanatipa gbarasa borose, toro bati rago Gbia Yesu.

⁶Ngba nga gaoni sambuatise te. Oni aina nga ya toni agbooro nandu rogo boro kakputu he dunduko te?

⁷Oni kúsi kuru agbooro ku sa yo, oni ki du ni vovo kakputu he, a wa du nga oni na agbooro ya. Bambiko i atumo ni gaani kandoro susiri a, nga Kristo.

⁸Were ani mángi pumbo tie; ni kuru agbooro te, ni agu agbooro nga sogote na gbegberẽpai a te. Ono ni kina gu kpokuta adu nga na agbooro ti ni ya, nga rurupai na rengo.

⁹Mi ake he fu roni rogo gi kedikedi waraga yo ya ka oni kódi nga tironi na airabari ya;

¹⁰nga agu airabari nga ga gi zegino te re, na airakpihe na airasokpekpe, na airisikpiahe; bambiko ka si du wo oni ka guari zegino tie.

¹¹Ono awere ke mi he fu roni ya si ngia gu boro i niya ti ni wirina du ni irabari, du ni irakpihe, du ni irisikpiahe, du ni irasengahe, du ni irakpibuda, du ni irasokpekpe, ka oni kódi nga tironi na ni ya, oó, tipa ri riahe a te.

¹²Bambiko gi pai nga ha ka sapa ngbanga agu yo adu nga na ani rogo idapase yo ya?

¹³Oni ka sapa ngbanga agu yo du na oni rogo idapase yo, te? Ono agu yo adu nga na ani rogo idapase ya, Mbori asápa ngbanga yo. “Oni kúsi gu gbegberẽ boro dagba roni yo re.”