Read zande 2 AKorindo 12 Bible Online

2 AKorindo 12 - zande bible

2 AKorindo 12

¹Mi ka sambua he ka si avura ngba nga ya; ono mi aye ka pe pa yuguyugupai na ayugoti nga ga Gbia.

²Mi ini boro rogo Kristo yo, garãha ku sa yo bawe na biama ― watadu rogo kpotoni yo, mi aina nga ha te: na zanga kpotoni, mi aina nga ha te; Mbori ini he, nga gu boro i atuka ni ku ari dati biata ngbangbaturũ.

³Mi ki ini gi boro re ― watadu rogo kpotoni yo, na zanga kpotoni, mi aina nga ha te; Mbori ini he,―

⁴wa i atuka ni ku Paradiso yo, ni ki gi agu apai ka boro ape nga ha ya, nga gu aru nga fu boro ni gumba ha a ya.

⁵Mi asámbua he tipa boro wa gi ni re; ono mi asámbua nga he tipa re ni tire te, kina agu apai nga ga gi rungbura.

⁶Bambiko si ngia mi ka kpi nyemu sambua he, mi amúngo nga te; mbiko mi apé kina rengo. Ono mi he he, gu boro ka berã pai tipa re susi gu ni abi ti re, na gu ni agia ngbare.

⁷Bambiko wa du agi ayugoti re ni bahe susi, si du i afu kiwe ti kpotore ti ni, nga ga Satana sunge ka tura re atura, si ka kiisa re susi.

⁸Tipa gi pai re mi azungadi Gbia bara biata, ya si guari ti re.

⁹Ko ki ya fere, “Gimi undahe rengbe foro, bambiko gi tandu du ni mbakadimbakadi he ziazia rogo rungbura yo.” Ngbatika mi asámbua he zaza ni ngbarago tie ti agu apai mi arungbura ti ni, ya gu ome nga ga Kristo du auru re.

¹⁰Si du mi nangi angi ti ni mbiko agu apai rungbura mi ti ni, mbiko agu apai namanga re, mbiko adingisaro, mbiko arungosi, mbiko fudifudi apai, tipa rimo Kristo; bambiko ho mi nirungbura ni mi nidu ho nyanyaki.

¹¹Mi du wa iramungo! Oni asosodi re; bambiko mbakada rimore nangia gaoni pai. Bambiko mi du nga ku sa yo fu agu amokedi nga ndikidi bakumba yo ti gu pai sa te, mi vura du wa he gbua vurũ.

¹²Ni rengo agu apai i aina mokedi ti ni si adu ni mangimangi he dagba roni ni zera, rogo agu apai i aina pai ti ni na iiriwo apai na agu apai i namanga na tandu.

¹³Bambiko gini pai dũ ho i aumbasi roni ti ni susi kura akanisa, kina gu nga wa adu nga mi ni ũmbusa fu roni tigimi ya? Oni he gi gbegberẽpai re fere.

¹⁴Oni ngére, gere nga gu biata rago so mi gima ka ye kovo du oni ni; mi adú nga ni úmbusa fu roni te. Bambiko mi agbata nga gaoni ahe te, ono kina roni. Mbiko a nga agude ka dungura ahe tipa avunguyo te, ono avunguyo namanga wo tipa awiriyo.

¹⁵Mi abága tire abaga zaza dati digida ha tipa mbisimoroni. Ka mi akpi nyemu roni bakere susi i ki nikpi nyemu re ni umba ha?

¹⁶Si du wo tie, mi ambusa nga roni tigimi te; ono, wa du mi ni irabiriki, mi azi roni ni biriki.

¹⁷Watadu mi amangi roni ku be gu ni dagba agu yo mi akedi yo koyo du oni ni?

¹⁸Mi azungadi Tito, mi ki kedi wirina na ko. Watadu Tito amangi roni? Ani ata nga rogo kina gu Toro yo sa te re? Ani andu nga rogo fuo rani sa te?

¹⁹Oni naberã ha da erẽ ya ani nambakada gaani pai fu roni? Ku bangiri Mbori ani nagumba pai rogo Kristo yo. Ono apai dunduko, amanguse, si tipa nyakasa roni.

²⁰Bambiko mi nagunde, ya ho mi ka ye ni, mi ka bi roni rogo gu pai ka oni adu nga wa mi akpi nyemu he ya, na ka oni abi re tigimi ka mi adu nga wa oni akpi nyemu he ya; kpata ka du ho be gu pai, na ringo, na azinga, na kpika pai, na wawaru, na gumbarimo, na kiisatise, na abasapu;

²¹gi Mbori ka ba zee ti re barangba roni, ho mi ka ye ni berewe, mi ki rungo tipa agu yo naima inga ni dungu yo, ka i asa nga gayo berã ti gu birikobiriko pai mangi yo na pa bari na wasiro ya.