Read zande 2 AKorindo 13 Bible Online

2 AKorindo 13 - zande bible

2 AKorindo 13

¹Gere nga biata rago mi naye ti ni koyo du oni ni. I anyakasa apai dunduko ku ngba adezire watadu ue na biata.

²Mi aima gumba ha mbata, mi nagumba ha mbata, fu agu yo naingi da awere, na fu akurayo dunduko, mi agumba ha mbata ho mi adu ni na oni ni ue he, a wo awere, wa du mi ku sa yo, ya, ka mi ye berewe, mi ahe nga pai te.

³Wa oni nagbata dezirehe ya Kristo nagumba pat rogo re yo; nga gu ko adu nga koyo du oni ni rurungbura ya, ono ko du na tandu rogo roni yo.

⁴Bambiko i awagi ko mbiko rungbura ono ko du ni ungako mbiko ga Mbori tandu. Bambiko ani rungbura a na ko, ono ani adu ni ungarani na ko koyo du oni ni mbiko ga Mbori tandu.

⁵Oni wísigi tironi si ngia oni du rogo idapase yo; oni ásadi tironi. Watadu oni aina nga pa tironi ya Yesu Kristo du rogo roni yo te? Kina ka oni ti bungudu.

⁶Ono mi berẽ he ya oni aina ha ya ani ati nga bungudu tigaani te.

⁷Were ani nakpara fu Mbori ya ka oni mangi nga gbegberẽpai wa sa ya; a nga ya i bi rani ni mbakadimbakadi rimorani te, ono ya oni nimangi gu pai iri aira, ka ani vura ti bungudu tigaani vurũ.

⁸Bambiko ka ani mangi nga pai niti kangu rengo wa sa te, ono mbiko rengo.

⁹Bambiko ani nangi angi, ho du ani ni rurungbura, oni ki du nyanyaki. Ani nakpara tipa gi pai re a, ya oni du teketeke.

¹⁰Mbiko gi pai re mi nake agi apai re wa du mi ku sa yo, ya ho mi ka du ni na oni ka mi rugu nga roni ni erá ya, ku sangba gu pai yo Gbia aasia ha fere tipa dua pai, a nga tipa bafa ha te.

¹¹Yangara ha, awirina, nga oni dú koyo zezeredi. Oni dú ziazia; oni wása; oni dú kina ku bani; oni súngu zezeredi. Mbori nga nyemuse nga ga zereda ko a, ki nidu na oni.

¹²Oni poi kuti roni dagba roni ni ziazia dungoti.

¹³Ga Mbori aboro sanango roni wa du yo dunduko.

¹⁴Gu undahe nga ga Gbia Yesu Kristo, na gu nyemuse nga ga Mbori, na gu ngbanya nga ga Ziazia Toro, dú na oni dunduko.