Read zande 2 AKorindo 4 Bible Online

2 AKorindo 4 - zande bible

2 AKorindo 4

¹Wa du ani na gi mangapase re tie, a wa ani arogo inapai, ani arungbura nga te.

²Ono ani ambu gu okooko apai nga ga zee, ka ani ata nga rogo biriki ya, ka ani amanga nga pai na ga Mbori pai ni biriki ya; ono mbiko yugo rengo ani nambakada rimorani fu aboro dunduko ku bangir Mbori.

³Ono si ngia gaani wene pangbanga du ni okooko ho, si ni okooko ho fu agu yo nakpí akpi:

⁴nga agu yo mbori gi zegino re akisi gayo berã nga agu yo zanga idapase, ya ka gu imarago ahasa nga rago ku ri yo nga ga gu wene pangbanga nga ga gu taarimo nga ga Kristo, nga kpia Mbori, ya.

⁵Bambiko ani atungusa nga pa rani te, ono pa Kristo Yesu wa du ko ni Gbia, pa rani wa du ani ni gaoni amoyambu tipa rimo Yesu.

⁶Wa du Mbori du naya. “Imarago ahása rago bitimo,” nga gu ko nahasi rago kpotorani yo, ka fu gu imarago nga ga ina gu taarimo nga ga Mbori ti kpakpu Yesu Kristo.

⁷Ono ani na gi kumuko re rogo agu ahe i ameke he rogo sende yo, ya gu bakere tandu susi ye be Mbori, be rani te;

⁸i nagbisa rani kirikiri ono i adingisa nga rani te; pai nagasa rani ono si adia nga be rani te;

⁹I nado rani ono ani ni sa rani te; i nabafa rani ono i agbarasa nga rani te;

¹⁰ani naaka kpio Yesu ti bororani dedede, ya ga Yesu unga du ni yuguyugu he a ti bororani.

¹¹Bambiko agu rani du ni ungarani i nafu rani ku be kpio dedede tipa rimo Yesu, ya ga Yesu unga du ni yuguyugu he a rogo kpikpi kpotorani.

¹²Wa du he were tie kpio namanga pai rogo rani yo, ono unga rogo roni yo.

¹³Ono ani du na kina toro idapase wa du paha ni keke he ya, “Mi aidi he, si du mi agumba pai ti ni”, ani idi pai a, si du ani nagumba pai ti ni a;

¹⁴niini he ya gu ko nazingisi Gbia Yesu ko azingisa rani a na Yesu, ki ye na ani wa sa na oni ku barangba ko.

¹⁵Bambiko agu apai dunduko namanga tipa roni, ya undahe, wa si nakia rogo dungu aboro, si ndu sa pa fu tambuahe ni bakere he sa taasa rimo Mbori.

¹⁶Wa du he were ani arungbura nga te; ono gu kpotorani du zegi yo navura zirã, gu tororani du ku vuru he yo i nambakada ha waragoagira.

¹⁷Bambiko gaani gberãngbi du ni aakpura ha nga gu nanye ngbutuko, si nambakada nyenye rõrõi taarimo tipa rani susi bakere gbe;

¹⁸wa ani angera nga ti agu ahe i nabi he te, ono kina agu ahe i abi nga ha ya. Mbiko agu ahe i nabi he si nago ago; ono agu ahe i abi nga ha ya, si nanye anye kindi.