Read zande 2 AKorindo 6 Bible Online

2 AKorindo 6 - zande bible

2 AKorindo 6

¹Wa ani namanga pai na ko ani nazungadi roni a ya ka oni adia nga ga Mbori undahe gbua ya

²bambiko ya ko, “Ni gu rago nangba angba mi agi pa ro, ni gu rago nga ga bata mi aunda ro.” Mo ngére, awere nga gu rago ngba angba; mo ngére, areme nga rago bata.

³Ka ani fú nga ũkota rogo gu pai yo wa sa ya, ya ka i dingisa nga pai ti gaani mangaapai ya;

⁴ono rogo apai yo dunduko ani nimbakadi rimorani, wa amangipa Mbori, rogo bakere zadapai, rogo agberãngbi, rogo adingisaro, rogo arungo,

⁵rogo amandoro, rogo kisa rani ku abambukisa yo, rogo abasapu, rogo nyanyaki asunge, rogo pida arago, rogo gina ahe;

⁶rogo ziaziapai, rogo inahe, rogo gbanga hipai, rogo weneringise, rogo Ziazia Toro yo, rogo ndikidi nyemuse,

⁷rogo gu pai nga ga rengo, rogo gu tandu nga ga Mbori; be gu ũvura nga ga rurupai ku kumbabe yo na ku gare yo,

⁸be taarimo na wasiro, be gbegberẽ pande na wene pande; wa airabiriki, ono ani du ni airarengo;

⁹wa ka i aina nga rani ya, ono i ini rani wenengaĩ; wa kpikpi aboro, ono, mo ngére, ani ni ungarani; wa mbusimbusi aboro, ono ka i aimo nga rani ya;

¹⁰wa aboro rungo, ono ani ningi angi na arago dũ; wa aboro zingohe, ono ani nasa dungu aboro ni airakumuko; wa ka he adu nga be rani wa sa ya, ono ahe ki du ni gaani dunduko.

¹¹Ako aKorindo, ani agumba pai fu roni zukazuka, ani aza ngbadurani fu roni.

¹²Ani akisa nga ngbadurani fu roni te, ono oni akisi ngbaduroni fu rani.

¹³Mi nagumba pai fu roni awere a wa ka oni du ni awire; oni yúgu apai fu rani a wa ani ayugu he fu roni, oni zá ngbaduroni fu rani!

¹⁴Ka i kpamia nga roni na azangaidapase wa si arengba nga ya ya, bambiko gini kpamiatise ka du dagba rurupai na irairapai? na gini ngbanya ka du dagba imarago na bitimo?

¹⁵Na gini zereda ka du dagba Kristo na gbegberẽ sino aboro? na gini pai ka du dagba idipase na zangaidapase?

¹⁶Na gini pai rengbe dagba ga Mbori yekaru na kpiaahe? mbiko ani nga gu yekaru nga ga gu Mbori du ni ungako; a wa Mbori agumba ha ya, “Mi anyé rogo yo yo, ki nita dagba yo yo; mi ki du ni gayo Mbori, i ki du ni gimi aboro.

¹⁷Wa du he were oni kúru dagba yo yo, ki kparaka, wo poi Gbia, ka oni zádi nga birikobiriko he ya, mi ki di roni adia ku gume,

¹⁸ki du fu roni ni Baroni, oni ki du fere ni awire nga akumba na ade, wo poi Gbia du na tandu apai dũ.”