Read zande AGaratio 3 Bible Online

AGaratio 3 - zande bible

AGaratio 3

¹Ako airamungo aGaratio, da namangi roni, oni i ayugu Yesu Kristo ni wagiwagi ko ku bangironi gbayaga?

²Mi nakpi nyemu ka ina kina gi pai sa re be roni. Watadu manga rugute na gia pa idapase, gini gu oni adi Toro be he?

³Oni mungo wo? Wa oni atona pai rogo Toro yo, oni nikadu ni ziazia roni awere mbiko borose?

⁴Atika oni ahi apai ni dungu he were gbua? ka ngia gbua nadu rengo.

⁵Were gu ko nafu Toro fu roni, ki nimangi agu apai du na tandu dagba roni, watadu manga rugute na gia pa idapase, gini gu ko namanga ha be he?

⁶Kina wa Abarayama aidi pa Mbori, si du Mbori aya ti ko ruru boro nga ko

⁷Oni bí nga tie, agu yo idi pase, kina yo nga awiri Abarayama.

⁸Ziazia Kekeapai aini aina mbata ya Mbori asapa ngbanga fu aGendiria mbiko idapase, ki nitungusi wene pangbanga mbata fu Abarayama, niya, “Rogo ro yo i ka fu maku ni fu arika aboro dunduko.”

⁹Were agu yo idi pase i nga aboro maku na Abarayama tie naidi pase.

¹⁰Bambiko agu yo nga aboro rugute i du motiwa ri yo: bambiko si ni keke he, ya, “Tiwatiwa aboro nga agu yo dunduko aka nga kuti agu apai du ni keke he ti kitabu rugute dũ, ka amanga ha ya.”

¹¹Were a nga boro sa i ka sara ngbanga fu ni ku bangiri Mbori mbiko rugute te, gere nga binibangirise; bambiko, “Ruru boro nara mbiko idapase.”

¹²Ono rugute ti idapase te; “Gu ni namanga ha ni adu ni ungani mbiko ho.”

¹³Kristo atumo rani be motiwa rugute, nisa tiko ni boro motiwa tipa rani ― bambiko si ni keke he ya, “Tiwatiwa aboro nga agu yo i aasa yo ti ngua dunduko”―

¹⁴ya gu maku ye i afu fu Abarayama ku ri aGendiria rogo Kristo Yesu yo; ani di gu kidohe nga ga Toro mbiko idapase.

¹⁵Awirina, mi nagumba pai ni sino aboro: ka kina boro vura rú ndika si ki rengbe, a nga boro sa ka di he ba ha te, ka moi pai ku ri he a te.

¹⁶Were, i agumba pa mokido fu aAbarayama na titako. Ko agumba nga ya, “Fu ngbatungaro wa nge yo” te: ono wa ka ni du sa, “Fu ngbatungaro sa nga Kristo.”

¹⁷Were ya mi wẽ; gu ndika Mbori aringbisi mbata, gu rugute ye fuo ho garã nasaki 430, ka si ba nga ha ka sa mokido ni kungba he ya.

¹⁸Bambiko ka i di kumbo mbiko rugute, si wa si mbiko mokido te. Ono Mbori afu he fu Abarayama ni mokido.

¹⁹Gine nga rugute tie? I amoi he ku ri he mbiko yugo ingaapai, da kina ho gu ngbatunga ka ye ni i akido pa ko fu Abarayama. I afu rugute vurube amaraika ku ngba azarõ.

²⁰Were azarõ adu nga fu kina gu boro sa te; ono Mbori adu sa ku bani.

²¹Rugute nati kangu ga Mbori mokido tie? Wasate; bambiko ka i afu rugute si rengbe na fu unga, ka Mbori asa boro ni ruru ni mbiko rugute rengo.

²²Ono Ziazia Kekeapai azi gbegberẽpai kuti ahe dú, i fu úmokido mbiko ida pa Yesu Kristo fu agu yo idi pa ko.

²³Ono mbata idapase nikaye, i adika rani kuti rugute ni kisikisi rani sa gu idapase i aye ka yugo.

²⁴Si du du rugute ti ni ni gaani bayugupai ka ye na ani koyo du Kristo ni, i sapu ngbanga fu rani mbiko idapase.

²⁵Ono wa idapase aye awere, ani tii be bayugupai berewe te.

²⁶Bambiko oni nga awiri Mbori dunduko, mbiko idapase, rogo Kristo Yesu yo.

²⁷Bambiko agu roni dunduko i abapatizi roni ku rogo Kristo yo, oni aukadi tironi ni Kristo.

²⁸A nga boro sa du ni Yudo ni Giriki te, du ni kanga ni gu boro ra ni rini a te, du ni kumba ni de a te: bambiko oni ni boro sa rogo Kristo Yesu yo.

²⁹Si ngia ga Kristo yo nga oni, oni nga ngbatunga Abarayama tie, nga adikumbo mbiko mokido.