Read zande AEfeso 4 Bible Online

AEfeso 4 - zande bible

AEfeso 4

¹Si du mi akpara ti ni fu roni, nga ga Gbia kisikisi boro, oni tá ata si ki re are na gu yambahe i ayambu roni ni,

²ni umbasiti na zera, na gbanga hipai, oni hi pai fu akuaroni ni nyemuse;

³nike na ka kuti gu du sa nga ga Toro zikazika, ni gu ũkpamiatise nga zereda.

⁴Borose sa, Toro a sa, a wa du oni sa i ayambu roni a kuti kina gu maabangirise sa nga ga yamba roni

⁵Gbia sa, idapase sa, bapatiza sa,

⁶Mbori sa nga Ba aboro dunduko, ko du ri yo dunduko, nimangi pai rogo yo yo dunduko, ki du rogo yo yo dunduko.

⁷Ono i afu undahe fu rani dunduko ku sangba gu ringbisa gamahe yo nga ga Kristo.

⁸Si du ya ko ti ni, “Ho ko aga ni ku ari yo; ko angbe ku mbata yo fu rimbasa zizi aboro, ki gamu ahe fu aboro.”

⁹(Were, gi nga “Ko aga ku ari yo” re, gine nga ha, nga ko azorõ azorã ku tii sende yo te?

¹⁰Gu ko nazorõ kina ko naga a ku ri ngbangbaturũ yo, ko hisi ahe ahisa dunduko.)

¹¹Ko afu agu yo i du ni amokedi; agu yo ni anebi; agu yo ni abatungusipai; na agu yo ni amoyambu na abayugupai;

¹²sa du ga Mbori aboro nzunzu, sa gu sunge nga mangaapai, sa sonosa boro Kristo;

¹³dati kina da ani ti gu du sa nga ga idapase, na ga ina Wiri Mbori, sa du ni bakumba, sa rengba na sona gu hibepai nga ga Kristo.

¹⁴Ka ani adú nga berewe ni agude, niwo ku bani niya ni yuge yugopai dunduko, be ga aboro biriki, ni nangahe, ku sangba bin ingapai yo ya;

¹⁵kina gumba rengo ni nyemuse, ki nisono na apai dũ ku rogo ko yo, nga rihe, nga kina Kristo.

¹⁶Ko borose azunguda tihe dunduko nzunzu ki du ngungungu ti ko be gu pai ngbazungaha afu ku sangba gu mangapai yo nga ga rikaha dũ, ni ringbisi he aríngbisa, si nakiisa borose sa sonosa tihe rogo nyemuse yo.

¹⁷Si du mi agumba gi pai ti ni re, ki du ni dezire rogo Gbia yo, ya oni atá nga berewe wa aGendiria nata, na gu enda nga ga gayo berã ya,

¹⁸du na bitimo ti gayo rugatise na pai, i kpara yo ti ga Mbori unga mbiko gu mungo du rogo yo yo, mbiko nyakasa kpotoyo yo.

¹⁹I susi ina pa he ki fu tiyo fu wasiro ka manga birikobiriko apai dunduko ni gbangbati

²⁰Ono oni awirika nga Kristo wo te;

²¹ka si adu wa oni agi pa ko, i ki yugu pai fu roni rogo ko yo wa du rengo rogo Yesu yo.

²²Tipa gu sino ungaroni nadu mbata, oni moi gu kuru boro ku sa yo, nazirã ku sangba gu nyemuahe yo nga nangahe.

²³Oni dú ni vovo roni rogo gu toro yo nga ga gaoni berã,

²⁴ki ukadi gu vovo boro, fu yo ni ku sangba Mbori yo na rurupai na ziaziapai nga ga rengo.

²⁵Bambiko gere, wa du oni dunduko oni gúmba rengo fu akuaroni, nimbu zire; bambiko ani nga apa akuarani.

²⁶Oni zíngi, ka oni íngi nga pai ya; ka uru tí nga gaoni zinga ya.

²⁷Ka oni mbákadi nga gene fu bakitingbanga ya.

²⁸Gu ni nanidĩ he ka ni dĩ nga he berewe ya. Ni nimángi sunge amanga, ni mángi sunge gu he ni beni ngba angba, he du be ni ni fu he fu gu ni zingo he amanga ni.

²⁹Ka gbegberẽpai kúru nga ngbaroni yo wa sa ya, kina ngbatunga gu pai ngba angba sa nyakasa ho zingoho nidu ni, si fu undahe fu agu yo nagia ha.

³⁰Ka oni rúngosi nga ga Mbori Ziazia Toro, nga gu ko i adu ni dezireroni rogo ko yo sa rago tumori ya.

³¹Iimi fugo dunduko, na zinga, na erá, na paa, gbegberẽ fugo, oni bá ha ku sa yo ti roni na sogote dunduko.

³²Ringironi ngbá angba fu akuaroni, yee kpotoroni yo, oni nivú akuaroni avu, a wa Mbori avu roni rogo Kristo yo a.