Read zande 1 ATesaroniko 1 Bible Online

1 ATesaroniko 1 - zande bible

1 ATesaroniko 1

¹APauro na Siruano na Timoteo Fu aboro kanisa du Tesaronika yo, nga ga Mbori yo nga Ba na Gbia Yesu Kristo. Undahe dú fu roni na zereda.

²Ani nafu tambuahe fu Mbori tipa roni dunduko dedede, nigumba pa roni rogo gaani kpe yo;

³nitingidi pa gaoni mangapai nga ga idapase na gaoni sunge nyemuse na gaoni hipai nga ga maabangirise rogo gaani Gbia Yesu Kristo yo, barangba gaani Mbori nga Barani.

⁴Ani ini ya Mbori sia roni, awirina nga amangu Mbori,

⁵wa gaani wene pangbanga aye koyo du oni ni ni kina fugo te, ono ni tandu a, na rogo Ziazia Toro, na ni yososo inahe; a wa ini oni gu ngbatunga aboro ani ayugu tirani fu roni ni mbiko roni.

⁶Oni ki ye ka du ni awiriki pa du wa ani, na pa du wa Gbia, oni nadi pai rogo bakere gberãngbi, ni gu ngbarago nga ga Ziazia Toro.

⁷Oni ki ye ka du ni kpia pai mbiko ho fu agu yo nga aidipase dunduko du Makedonia yo na Akaya yo.

⁸Bambiko ga Gbia pai awo yo du oni ni, kina ku Makedonia yo na Akaya yo sa te, ono pa gaoni idapase du koyo du Mbori ni si kuru ku rogo arago dunduko; si du gu pai ka ani gumba ha ku ri he, si ho te.

⁹Bambiko i nataka pande gu pai nadu ti gaani rima koyo du oni ni tigayo; na wa oni asa tironi ti kpiaahe koyo du Mbori ni, ka manga pa unga Mbori nga irarengo,

¹⁰ka sunguda Wiriko du ngbangbaturũ yo, nga gu ko Mbori azingisi ko be kpio dagba akangba yo, Yesu, nabatasa rani be gu erã nikaye.