Read zande Yosua 12 Bible Online

Yosua 12 - zande bible

Yosua 12

¹Agi yo re nga agu abakindo ringara nga agu yo awiri aYisaraere adi be yo, ki rogo gayo aringara mbiti Yaradene ku uroyo, tona ti ngboongboorago Arunona yo ki da ku Bagangara Erumone yo, na gu kpasakpasa rago dunduko naadu ku uroyo:

²Siona nangia bakindo aAmoro, naasungu Esebona yo, ki zogo rago tona Aroere yo, naadu pavuru ngboongboorago Arunona yo, na tona bebere ngboongboorago yo ki da ti gu di nga Yaboka, nga bangbanda ga aAmono rago; si nga bebere ringara Girada,

³na sa gu kpasakpasa rago ki da ti gu Baime nga Kinerota ku uroyo, sa gu baime du kpasakpasa rago yo nga Baime Tikpo ku uroyo, ngba gene ku Bete-yesimota yo, ki ndu ku sudiyo ku bagangara Pisiga;

⁴na Ogo nangia bakindo Basana, nanye dagba aRefa naasungu Aseterota yo na ku Ederei yo,

⁵ki zogo rago Bagangara Erumone yo, na Sarekare yo, na rogo ringara Basana dunduko, ki da ti bangbanda ga aGesuro rago, na ga aMako, na bebere ringara Girada, nangia bangbanda ga Siona ringara nangia bakindo Esebona.

⁶Mose nangia ga Yekova moyambu gbiakuti awiri aYisaraere adi be yo. Mose nangia ga Yekova moyambu ki fu he fu aRubena ni ukumbo, na fu aGado, na fu bebere ngbatunga Manase.

⁷Agi yo re nga agu abakindo ringara Yosua adi be yo na awiri aYisaraere mbiti Yaradene ku dioyo, tona Bara-gada yo rogo ngboongboorago Rebanona ki da ti Bagangara Araka nadu Seira yo; Yosua ki fu gayo aringara fu angbatunga aYisaraere ni ũkumbo, a wa ko akparaka ha fu yo;

⁸rogo ringara abaagangara, na rogo tiditidi rago, na rogo kpasakpasa rago, na zorõzorõ rago, na ngbakungba yo, na Negebe yo; nga aringara aEto, na aAmoro, na aKanano, na aPereso, na aIvo, na aYebuso:

⁹bakindo Yereo, sa; bakindo Ai sa, nambedi na Betere;

¹⁰bakindo Yerusarema, sa; bakindo Eburone, sa;

¹¹bakindo Yaramuta, sa; bakindo Rakisa, sa;

¹²bakindo Egerone, sa; bakindo Gezere, sa;

¹³bakindo Debiri, sa; bakindo Gedere, sa;

¹⁴bakindo Oruma, sa; bakindo Arada, sa;

¹⁵bakindo Ribina, sa; bakindo Adurama, sa;

¹⁶bakindo Makeda, sa; bakindo Betere, sa;

¹⁷bakindo Tapua, sa; bakindo Efere, sa;

¹⁸bakindo Apeka, sa; bakindo Rasarona, sa;

¹⁹bakindo Madona, sa; bakindo Asora, sa;

²⁰bakindo Simironameroma, sa; bakindo Akasapa, sa;

²¹bakindo Tanaka, sa; bakindo Megido, sa;

²²bakindo Kedese, sa; bakindo Yokanama sa, nadu Karumera yo;

²³bakindo Doro, sa nadu ringara Doro yo; bakindo arikaaboro Girigara, sa;

²⁴bakindo Tirusa, sa; abakindo dunduko adu wa 31.