Read zande Yosua 16 Bible Online

Yosua 16 - zande bible

Yosua 16

¹Ga atita Yosefa ringara atona ti Yaradene ku Yereo yo, ti aime Yereo ku uroyo, nga ngbakungba, ki guari Yereo yo ki ndu ku ngbi yo rogo ringara abaagangara ku Betere yo.

²Si ki kuru Betere yo ku Ruza yo, ki ndu kindi ku bangbanda ringara aArako ku Ararota yo;

³si ki zorõ ku pa di yo ku bangbanda ga a Yapereto ringara, ki da ti bangbanda Beterono nga gu du ku pa di yo, ki ndu da ku Gezere yo digidaha ki ngia baime.

⁴Ngbatunga Yosefa, nangia aManase na Efuraima, ki di gayo ringara.

⁵Ga ngbatunga Efuraima ringara du re a wa pa arikayo adu; bangbanda gayo ringara ku uroyo nangia Atarota-adara, ki da ti Beterone nga gu nadu ku ngbi yo,

⁶bangbandarago ki ndu yo sa baime; Mikematata ki du ku nodiyo; bangbandarago ki sa tihe uroyo ku Tanatasiro yo, ki susi pati he ku Yanoa ku uroyo.

⁷Fuo gure si ki zorõ Yanoa yo ku Atarota yo, na ku Nara yo, ki da ti Yereo, ki digi Yaradeneyo.

⁸Tona Tapua yo bangbandarago ki ndu ku dioyo ki da ti gu waridi nga Kana, digidaha ki ngia baime. Giere nga gu ringara nga ga ngbatunga aEfuraima ringbisi he wa du pa arikayo,

⁹gbiakuti agu abaakporo nadu ni kparakpara ha tipa ngbatunga aEfuraima dagba gu ringara nga ga ngbatunga aManase, nga abaakporo dunduko na akporo pati he.

¹⁰Ono i ado nga agu aKanano nasungu Gezere yo te; ono aKanano asungu kindi ku dagba aEfuraima, daku awere, ki du ni akanga tipa manga sunge.