Read zande Yosua 19 Bible Online

Yosua 19 - zande bible

Yosua 19

¹Ue baake ki du fu Simona, tipa ngbatunga Simona a wa pa arikayo adu. Gayo ngbi ki du rogo kina gu ringara nangia ga ngbatunga Yuda.

²Gayo ngbi ni abaakporo ki ngia Bara-seba watadu Seba, na Morada,

³na Asara-suara, na Bara, na Eseme,

⁴na Erutorada, na Betuere, na Oruma,

⁵na Zekeraga, na Bete-marakabota, na Asara-susa,

⁶na Bete-reboata, na Sarunena ― wa abaakporo 13 na akporo pati he;

⁷Aina, na Rimona, na Etere, na Asana ― wa abaakporo biama na akporo pati he;

⁸na agu akporo naadu pati agi abaakporo re dunduko kirikiri daku Baratabera, nga Rama du Negebe yo. Gere nga gu ringara nga ga ngbatunga Simona a wa pa arikayo adu.

⁹Gu ngbi nga ga ngbatunga Simona si adu kina rogo ringara ngbatunga Yuda; bambiko ga ngbatunga Yuda ringara adu ni bakere he ki susi yo, si du ngbatunga Simona adu ti ni na ngbi kina rogo ga ngbatunga Yuda ringara.

¹⁰Biata baake ki du tipa ngbatunga Zeburuna a wa pa arikayo adu. Ringara gayo ngbi ki da ti Sarida;

¹¹bangbandarago ki ndu ku ngbi yo ku dioyo, ki da ku Marara yo, ki kuru ku Dabesete yo; fuo gure si ki da ti gu wiridi du pavuru Yokanama ku uroyo.

¹²Si ki guari Sarida yo ki ndu ku uroyo ki da ti bangbanda Kisirota-tabora. Si ki ndu yo ku Daberata yo, ki kuru ku Yafia yo;

¹³yo si asusi ni ku uroyo ki da ku Gataefere yo, na ku Ete-kazima yo; ki susi kindi ki da ku Ramona yo, ki sa tihe ku Nea yo.

¹⁴Bangbandarago ku nodiyo ki ke pati Anatona yo, digidaha ki da ku ngboongboorago Yifata-ere yo;

¹⁵kura abaakporo ki du nga Katata, na Narara, na Simuruna, na Idara, na Betereme ― wa abaakporo 12 na akporo pati he.

¹⁶Gere nga gu ringara nga ga ngbatunga Zeburuna a wa pa arikayo adu ― agi abaakporo re na akporo pati he.

¹⁷Gu biama baake ki du tipa Yisasakara, nga kina ngbatunga Yisasakara a wa pa arikayo adu.

¹⁸Gayo ringara ada ti Yizerere, na agu abaakporo nga Kesurota, na Sunema,

¹⁹na Afaraima, na Siona, na Anaarata,

²⁰na Rabita, na Kisiona, na Ebeza,

²¹na Remete, na Enegamina, na Eneadada, na Bete-pazeze.

²²Bangbandaha ki da ti Tabora a, na Sasuma, na Bete-semese; digidaha ki da ti Yaradene ― wa abaakporo 16 na akporo pati he.

²³Gere nga gu ringara nga ga ngbatunga Yisasakara a wa pa arikayo adu ― abaakporo na akporo pati he.

²⁴Gu bisue baake ki du tipa ngbatunga Asera awa pa arikayo adu.

²⁵Gayo ringara adu na agi abaakporo re rogo ho, nga, Erekata, na Ari, na Betene, na Akasafa,

²⁶na Aramereke, na Amada, na Misara. Bangbandaha ki da ti Karumera ku dioyo, na ti Siora-ribina,

²⁷ki sa tihe ku uroyo ku Bete-dagona yo, ki da ti Zeburuna, na ku ngboongboorago Yifata-ere yo ki ndu ku Bete-emeke yo na ku Neira yo ku nodiyo. Fuo gure si ki nindu kindi ku nodiyo ku Kabura yo;

²⁸na Eburone, na Robo, na Amona, na Kana yo, ki da ti bakporo nga Bakere Sidona.

²⁹Fuo gure bangbandarago ki sa tihe ku Rama yo, ki da ti Tura yo nadu na ngapa gbata pati he; bangbandarago ki sa tihe ku Osa yo, digidaha ki da ti baime pati Akaziba,

³⁰na kura abaakporo nga Uma, na Afike, na Robo ― wa abaakporo dunduko 22 na akporo pati he.

³¹Gere nga gu ringara nga ga ngbatunga Asera a wa pa arikayo adu ― agi abaakporo re na akporo pati he.

³²Gu sita baake ki du tipa ngbatunga Nafatari, tipa kina ngbatunga Nafatari a wa pa arikayo adu.

³³Bangbandarago ki tona Erefe yo, pati gu gero naadu Zananima yo, ki ndu ku Adaminekebe yo, na Yabanere yo, ki da ti Rakuma; digidaha ki da ti Yaradene.

³⁴Fuo gure bangbandarago ki sa tihe ku dioyo ku Azanota-tabora yo, ki kuru yo ki ndu ku Ukoko yo; si ki da ti Zeburuna ku sudiyo, na ti Asera ku dioyo, na ku Yuda Yaradene yo ku uroyo.

³⁵Abaakporo ngapa adu yo nga Sidimi, na Zera, na Anata, na Rakata, na Kinerota,

³⁶na Adama, na Rama, na Asora,

³⁷na Kedese, na Ederei, na Ene-asora,

³⁸na Irona, na Migidara-ere, na Oreme, na Bete-anata, na Bete-semese―wa abaakporo 19 na akporo pati he.

³⁹Gere nga gu ringara nga ga Nafatari a wa pa arikayo adu―abaakporo na akporo pati he.

⁴⁰Gu saba baake ki du tipa ngbatunga Dana a wa pa arikayo adu.

⁴¹Ringara gayo ngbi nangia Sora, na Eseta-ora, na Ire-semese,

⁴²na Sa-arabina, na Aiyona, na Itara,

⁴³na Erona, na Timina, na Ekurone,

⁴⁴na Ereteke, na Gibetona, na Barata,

⁴⁵na Yeuda, na Bene-beraka, na Gata-rimona,

⁴⁶na Me-yarakona, na Rakona, na gu ringara du pati Yapo.

⁴⁷Ono ringara ngbatunga Dana ki du ni umba ha tipa yo, si du aDana andu ti ni ki so vura kuti Reseme, ki di be he, ki mangi he ni basape, ki di he ni gayo, ki sungu rogo ho, ki yambu rimo Reseme nga Dana, ti rimo bayo nangia Dana.

⁴⁸Gere nga gu ringara nga ga ngbatunga Dana a wa pa arikayo adu, agi abaakporo re na akporo pati he.

⁴⁹Ho i adigisi pa kparaka aringara ni ni angbi, awiri aYisaraere ki fu ngbi fu Yosua nangia wiri Nuna ni gako kina dagba gayo aringara.

⁵⁰I afu gu bakporo fu ko nga gu ko asana he tipa ha wa Yekova arugu yo na pa ha, nga Timenata-sera du ringara abaagangara Efuraima yo, ko ki mbakadi bakporo berewe, ki sungu rogo ho.

⁵¹Agere nga agu aringara Erazara nangia boromotumo akparaka ni angbi na Yosua nangia wiri Nuna, na agu yo nadu ku ri ga abayo aborokporo dagba angbatunga awiri aYisaraere, niba ake Siro yo ku bara bangiri Yekova, ku ngbadimo bamburoko dungurati yo. Si du i ki digisi pa kparaka aringara.