Read zande 2 ATesaroniko 1 Bible Online

2 ATesaroniko 1 - zande bible

2 ATesaroniko 1

¹APauro na Siruano na Timoteo, Fu aboro nga akanisa du Tesaronika yo nga ga Mbori yo nga Barani na Gbia Yesu Kristo.

²Undahe dú fu roni na zereda be Mbori nga Ba gaani Gbia Yesu Kristo.

³Gaani pai nga fu tambuahe fu Mbori tipa roni dedede, awirina, wa ru he aru, bambiko wa gaoni idapase namaa pai bakere, na gu nyemuse du dagba roni yo dunduko ni ba sa sa tipa akuaroni si kii gbe.

⁴Si du ani nataka pande roni tigaani ti ni fu ga Mbori akanisa tipa gaoni hipai na idapase rogo gaoni rungosi dunduko na rogo gu gberãngbi oni nahi.

⁵Si nga dezire ga Mbori ruru sapangbanga: ya i bi roni oni re na ga Mbori ngbi, nga gu oni nahi pai tipa ha a.

⁶Bambiko Mbori amanga kina rurupai, ko afú gberãngbi ni mosoro fu agu yo namanga roni,

⁷na ongoda fu agu roni i namanga roni na ani, rago yugo Gbia Yesu ngbangbaturũ yo na amaraika gako tandu ni mirã we.

⁸Ko aira bape fu agu yo aina nga Mbori ya, na agu yo agia nga sangba wene pangbanga nga ga gaani Gbia Yesu ya.

⁹I nga agu yo nikahi mbusa nga nyenye gbarasa yo ti kpakpu Gbia na ti gu taarimo nga ga gako ome,

¹⁰ho ko ka ye ni i taasi rimoko rogo gako aboro yo, iriwoko ti ti agu yo naidi pase dunduko rogo gu rago re na ti roni a bambiko oni aidi pa gu pai ani agumba fu roni.

¹¹Si du ani naakpara ti ni tipa roni dedede, ya gaani Mbori bi roni oni re na gako yambahe, ki ringbisi nyemu ruruapai dú na agu apai i namanga ha ni idapase dú, ni tandu.

¹²Si du rimo gaani Gbia Yesu adú ni taasitaasi he rogo roni yo, na oni rogo ko yo, ku sangba gu undahe yo nga ga gaani Mbori na ga Gbia Yesu Kristo.