Read zande 2 ATesaroniko 2 Bible Online

2 ATesaroniko 2 - zande bible

2 ATesaroniko 2

¹Awere ani nazungadi roni, awirina, tipa ye gaani Gbia Yesu Kristo na pa dungura rani koyo du ko ni;

²ya ka oni wó nga ti gaoni berã ni ipo ya, ka i fúdi nga roni ya, watadu ni gumba pai na tungusapai, na keke pai wa ka ani akedi he, ya rago Gbia du ho awere.

³Ka boro nángi nga roni wa sa ya; bambiko si adu nga ho te, kina gu ka gu yangara samungu ye mbata, i ki yugu gu boro nga ga gbegberẽpai ni, nga wiri kpio.

⁴Ni nga gu ni naso vura na agu ahe dunduko i niya ti ni mbori niirisi he, ki nikiisi tini ku ri he; a wa sungu ni rogo ga Mbori yekaru yo, niyugu tini ni Mbori.

⁵Oni atingida nga ha wa mi agumba agi apai re fu roni, ho mi adu ni na oni te?

⁶Awere oni ini gu pai nadingisa ha, ya i yugu ni ti kina ragoni.

⁷Bambiko gu gbugbu pai nga ga zanga rugute namanga awere: ono gu ni ho nadingisa ha awere, daho i ka dia ni ni ku sa yo ti gene.

⁸Fuo gure i ki yugu gu ni zanga rugute nga gu ni Gbia Yesu nikaimo ni ni útura ngbako, ki gbarasi ni ni gu yugoti nga ga ye ko.

⁹Gu ni ki ye ku sangba gu mangapai yo nga ga Satana ni tandu dunduko na agu apai i aina pai ti ni na irazire iiriwo apai,

¹⁰na gu biriki dunduko nga ga irairapai tipa agu yo nakpi; bambiko i aka nga kuti nyemu rengo, i batasi yo te.

¹¹Bambiko gi pai re Mbori nakeda iraira berã fu yo, i idi pa zire,

¹²ya i sapu ngbanga agu yo dunduko aida nga pa rengo ya, ono rago angba ti yo mbiko irairapai.

¹³Ono gaani pai nga fu tambuahe fu Mbori uedede tipa roni, awirina Gbia nakpi nyemu roni, bambiko wa Mbori asia roni ti tonatona rago sa bata rogo gu sa boro ni ziazia ni nga ga Toro na idapa rengo.

¹⁴Si nga gu pai ko ayambu roni kuti ni rogo gaani wene pangbanga yo, sa dia gu taarimo nga ga gaani Gbia Yesu Kristo.

¹⁵Wa du he were, awirina, oni rú nyanyaki, ki nika kuti agu apai i ayugu he fu roni, watadu ni fura, na ni gaani keke waraga.

¹⁶Awere gaani Gbia Yesu Kristo tigako, na Mbori nga Barani nakpi nyemu rani ki fu nyenye wasa fu rani na wene maabangirise mbiko undahe,

¹⁷ko ngárãsi kpotoroni yo ki ninyakasi he rogo wene mangaapai na wene apai dunduko.