Read zande Tito 2 Bible Online

Tito 2 - zande bible

Tito 2

¹Ono mo nigumba agu apai rengbe na ruru yugopai:

²ya sosono akumba rugu gu nyemuhe du kpotoyo yo ki du ni airanyaka, ni airarugatise, ki du nzunzu rogo idapase yo, rogo nyemuse yo, rogo zadapai yo.

³Sosono ade a wo, i du na zee, ka i adú nga ni airasoapai ya, ka i fú nga tiyo fu bakere buda ya. I du ni ayugu gu pai ngba angba;

⁴ya i rugu paranga ade i nikpi nyemu akumbayo, ki nikpi nyemu awiriyo.

⁵I du ni airarugatise, ni ruru ade, ni amangi sunge kporo yo, ni weneringi yo, nira fu kina akumbayo, ya ka aboro gberẽ nga ngbayo yo fu ga Mbori pai ya.

⁶Mo zúngadi agu akumba nga aparanga a wo, i dú ni airarugatise.

⁷Mo ki niyugu tiro ni kpia wene mangaapai rogo apai yo dunduko; mo du ni irarengo na nyaka rogo ga yugopai yo.

⁸Fugoro ki du nzunzu, wa ka i azia nga ro ti ni ya; zee mangi gu ni ka du ni boro kangu wa ni abi nga gu gbegberẽpai ka ni gumba ha tipa rani ya.

⁹Mo nizúngadi akanga i rá fu kina abairayo, ki nimangi agu apai ngba ti yo ti apai dunduko wenengaĩ; nikaraga pai te;

¹⁰ningbura ahe te, ono niyugu tiyo ni ruru aboro ti apai dunduko; ya i fongo gu yugopai nga ga Mbori Batasirani ti apai dunduko.

¹¹Bambiko ga Mbori undahe akuru, niye na bata fu aboro dunduko,

¹²niraba rani ya, ani ta mbu agu apai zanga sinombori na gu nyemuahe nga ga zegino, nidu na rugatise, na rurupai, na sinombori, rogo gi zegino du awere re;

¹³ki ningere tipa gu betedi maabangirise nga ye gu taarimo nga ga gaani bakere Mbori na Batasirani Yesu Kristo;

¹⁴nafu tiko tipa rani, ya ko tumo rani be irairaapai dunduko, ki nigirisi gu rika aboro tipa ko i du ni gako yo, nidu ngangarã tipa manga agu apai ngba angba.

¹⁵Mo gumba agi apai re ki nizungadi yo nirugu yo na tandu. Ka boro páyasi nga ro wa sa ya.