Read zande Piremona 1 Bible Online

Piremona 1 - zande bible

Piremona 1

¹Pauro, ga Kristo Yesu kisikisi boro, na Timoteo nga wirinarani, Fu Firemona boromangapai na ani du nyemuko ti rani,

²na fu Afia dawirani, na fu Arukipo nga banzengere na ani, na fu gu kanisa du kpuro yo:

³Undahe fu roni na zereda be Mbori Barani na Gbia Yesu Kristo.

⁴Mi natambua gi Mbori dedede, niyambu rimoro rogo gimi akpe,

⁵wa gi mi pa ga nyemuse na gu idapase du ti ro koyo du Gbia Yesu ni, na koyo du ga Mbori aboro ni dunduko;

⁶ya gu ngbanya nga ga ga idapase ndu sa manga pai, rogo gu ina pa wene ahe yo dunduko du ti roni, fu Kristo.

⁷Bambiko bakere ngbarago nadu ti re na wasa mbiko ga nyemuse, bambiko ngbadu ga Mbori aboro yo angarã mbiko ro, wirina.

⁸Wa du he were, mi vura du na tandu rogo Kristo yo ka ruga ro tipa gu pai ru aru,

⁹ngbatika mi nazungadi he mbiko nyemuse, wa du mi nga Pauro nga gbinza boro, du awere ni ga Kristo Yesu kisikisi boro a.

¹⁰Mi zúngadi ro tipa wire, nga gu ko vungu mi ko ni vodivodi re, Onesima,

¹¹nadu mbata ni mumungo boro foro, ono ko ngba awere foro na fere.

¹²Ko karaga mi ko foro ni boroko, si nga, boro kpotore yo.

¹³Ko mi akpi nyemu ka kuti ko, ya ko mangi pa re ku ba ro wa du mi ni vodivodi re tipa wene pangbanga.

¹⁴Ono mi akpi nga nyemu ka manga ha gii bangiro wa sa te; ya ka ga weneringise du nga ni dingisaro ya, ono ni nyemuhe zaza.

¹⁵Mbiko ka ngia si du ko akpara na mo ti ni ngbutuko, ya ko ye ka du be ro nye anye kindi;

¹⁶ni kina kanga fuo gere te, ono ni bahe ti kanga, ni wirina nyemuse, du nyemuko ti re gbe, ono ngbatika mo, rogo borose na rogo Gbia yo.

¹⁷Si ngia mo naya ti re badia, mo dí ko ku gume wa ka mo adi re tigimi.

¹⁸Ono si ngia ko amangi ro ti pai, watadu ko agbe bape ti ro, mo moi he k uti rimore;

¹⁹mi Pauro mi nake he ni boro bere, mi agása ha. Ono mi atingida nga ha foro ya gi boro bape nga mo wa mo aidi pase mbiko re, te.

²⁰Ii, wirina, mo fú ngbarago fere mbiko ro rogo Gbia yo. Mo ngárasi ngbadure rogo Kristo yo.

²¹Mi nake he foro zaza mbiko ga giasangba, niini he ya mo amánga ha susi gu mi agumba ha.

²²Ono gbia kuti gi dunduko re mo mbákadi ba tipa re a, mbiko mi namaa bangire ya i afú re fu roni mbiko gaoni kpe.

²³Epafura nga kisikisi boro na mi rogo Kristo Yesu yo, ko nasanango ro;

²⁴aMarako a wo na Arisitaruko, aDema a na Ruka, nga aboromangapai na mi.

²⁵Gu undahe nga ga gaani Gbia Yesu Kristo dú na tororoni. Amina.