Read zande 1 Yoane 1 Bible Online

1 Yoane 1 - zande bible

1 Yoane 1

¹Gu naenge, gu gi ani, gu bi ani ni bangirani, gu ngana ani, berani ki zadi he, si tipa Pai nga ga unga.

²I ki yugu unga ani ki bi he, ki du ni adezirehe, ki pe pa unga fu roni, nga nyenye unga, gu nadu na Ba, i ki yugu he fu rani.

³Gu bi ani ki gi he, si ani ape pa ha fu roni a, oni zi ngbanya a na ani. Ii, gaani ngbanya du na Mbori nga Ba, na Wiriko nga Yesu Kristo.

⁴Ani nake agi apai re gaani ngbarago moi pai.

⁵Gi nga gu pai ani agi ngbako re, ki pe pa ha fu roni, ya Mbori nga imarago, bitimo rogo ko yo wa sa te.

⁶Ka ani ya ngbanya dagba rani na ko, ki nita kina rogo bitimo, ani gumba zire, ani amanga nga rengo te.

⁷Ono ka ani ata rogo imarago, wa du ko rogo imarago, ngbanya du adu dagba rani, kure Yesu nga Wiriko ki nigirisi rani ti ingapai dũ.

⁸Ka ani ya ingapai ti rani te, ani nangi tirani, rengo du nga ti rani te.

⁹Ka ani kusi gaani ingaapai, ko nga irarengo, du na rurupai, ko vu rani avu ti gaani ingaapai, ki girisi rani agirisa be irairaapai dũ.

¹⁰Ka ani ya ani ainga nga pai te, ani sa ko ni irazire, ka gako pai dũ nga ti rani a ya.