Read zande Abasapungbanga 5 Bible Online

Abasapungbanga 5 - zande bible

Abasapungbanga 5

¹ADebora ki bi bia ni gu uru re, na Baraka nangia wiri Abinoama, niya:

²“Bambiko abarumbatayo angbe ku mbata yo Yisaraere yo, na wa aboro afu tiyo zaza, ani sámbua Yekova!

³“Ako abakindo; oni gi pai; Ako awiri bakindo, oni dége turoni; kina mi nikabi bia fu Yekova, mi abi bia tambuahe fu Yekova nga ga aYisaraere Mbori.

⁴“Yekova, ho mo akuru ni Seira yo, ho mo andu ni ki kuru ringara Edome yo, kpotosende ki zigizo, angbangbaturũ ki tiwi, dubo ki na wa mai.

⁵“Abaagangara Sinai ki zaraga bara bangiri Yekova, nga gu du ho barangba Yekova nga ga aYisaraere Mbori.

⁶“Ti rago Samagara wiri Anata, na ti rago Yaere a, boro andu nga ngba basisi gene wa sa te, andununguro anata ngba kina umba agene.

⁷Aboro adu nga kporo yo ku aYisa raere yo te, i adu nga yo te, daho mi aguari ni ku ari nga Debora, mi aguari ku ari wa na dagba aYisaraere.

⁸Ho i asia vovo ambori ni, vura adu ngbadimo bakporo yo. I abi vurakube na baso dagba agu aboro 40,000 adu aYisaraere yo?

⁹Kpotore yo du fu abazogo aYisaraere, nga agu yo nafu tiyo zaza dagba aboro. Oni sámbua Yekova.

¹⁰“Oni taki pande he, agu roni nandu ri pusi anaadongi, nasunga auru wene tutu roko, na agu roni nata ngba gene.

¹¹I nagumba pa gu ruru mangaapai nga ga Yekova, kuti woro ngbiko aboro, ba tu ime yo, nga kina gu ruru mangaapai ko amangi he ringara Yisaraere yo. “Ga Yekova aboro ki ndu ku ngbadimo bakporo.

¹²“Debora, mo zingi, mo zingi be rame! Mo zíngi, mo zíngi ki bi bia! Baraka, mo gúari, ki ngbe ku mbata yo fu gamo zizi yo, mo nga wiri Abinoama.

¹³Yangara aborovura ki zorõ na aboro; ga Yekova aboro ki ndu tipa ko kuti aranyaka.

¹⁴Agu yo ki kuru Efuraima yo du ngbatungayo dagba Amareko, ki pe fuo ro, Benyamina, na gamo aboro; abafurugute akuru Makira yo, agu yo nanazada ngbondo abakeapai ki kuru Zeburuna yo;

¹⁵abazogo Yisasakaia vo aye na Debora. Yisasakara ki unda Baraka, i azuba ku ngboongboorago vo fuo ko Pangba ga Rubena twin adi wisigapai adu kpotovo yo gbe.

¹⁶Tipagine mo asungu n ni dagba andugu akandoro, ka gia woro yamba akandoro? Pangba ga Rubena awiri adi wistgapui adu kpotoyo yo gbe

¹⁷Girada anye ku mbiti Yaradene yo: Dana, tipagine ko auve ti ni rogo abaakuruniiba? Asera asungu zaa pangba baime, ki ninye pati gako gbudiiru

¹⁸Zeburuna adu ni ngbatunga agu aboro nabagi ungayo dati kina kpio; na Nafatari a, ku ri gu tumbatumba arago du ba vura yo.

¹⁹“Abakindo ki ye ki to vura abakindo Kanana ki so vura. Tanaka yo, pati aime Megido; i adia nga marã feda ni ũgbbuahe te

²⁰Akerekuru ngbangbaturũ yo aso vura, ami aso vura na Sisern ngba gene gaami nduge.

²¹Gu di nga Kisona si afu na yo ku sa yo, nga mbaku badi nga Kisona. Ako mbisimore, mo ndu ku mbata yo ni ome!

²²“Afarasi nadoka sukutura, ki nigitikpa, ni gaami nyanyaki gitikpa.

²³“Oni tíwa Meroze, wo poi ga Yekova maraika, oni tíwa agu yo gbe nanaraka yo, bambiko i aye nga ka unda Yekova te, ka unda Yekova kuti airanyaka.

²⁴“Yaere adú ni de maku ki susi ade dũ, nangia dia Ebere boro Kene, ri adú ni de maku ki susi agu ade nanaraka bamburoko yo.

²⁵Ko asana ri tipa ime, ri ki fu mamunya fu ko, ri aye na nzeme mamuanya fu ko rogo wene kurungbu.

²⁶Ri amoi beri ti ngua bamburoko, na kumbaberi ti gu bande nga ga aboro sunge ru; ri ki nari Sisera na bande, ri ki banga riko, ri akoro pavuru riko si ki kuru bani puu.

²⁷Ko api, ko ki ti, ko ki pi zaa pati nduri; pati nduri ko api ku ho ni, ko ki ti; ho ko api ni, kina ho ko ati ku ho ni, ki kpi.

²⁸“Na Sisera angere ti bangiri bambu, ri angere ti bangiri bambu, ki nikpari; ‘Tipagine gako ngbagida vura ayega nga ti ni ni ipo ya? Tipagine ongo woro sukutu anya gako ngbagida vura ti ni ku sa yo?’

²⁹Gari ade tatamana ki karaga pai fu ri, ii, ri ni tiri akaraga pai fu tiri,

³⁰‘A nga i abi gbugbu ahe, ki kparaka ha te? Paranga de sa watadu ue tipa akumba ni ba sa sa; gbugbu aroko na angbatunga arangi ti ni tipa Sisera, tutu gbugbu aroko na angbatunga arangi ti ni, tutu gbugbu aroko ue na angbatunga arangi ti ni auru pagorõ zizi aboro?’

³¹“Ako Yekova, avuraro nikpíki akpika a wo dunduko! Ono agu yo nakpi nyemu ko i dú wa uru ho si nakura ni be omehe.” Ringara ki zeredi tipa garã 40.