Read zande 2 Yoane 1 Bible Online

2 Yoane 1 - zande bible

2 Yoane 1

¹Gu bakumba fu siasia nagbia na awiriri, oni du nyemuroni ti re ni rengo; kina re sa te, agu yo a dunduko ini rengo;

²mbiko gu rengo nye ti rani, si anye anye na ani kindi.

³Undahe, inapai, zereda, si adú adu na ani, be Mbori nga Ba, na be Yesu Kristo nga Wiri Ba, ni rengo na nyemuse.

⁴Rago nangba angba ti re bakere wa bi mi agu awiro i nita rogo rengo yo, a wa ani adi rugute yo du Ba ni.

⁵Mi nakpara foro awere, nagbia, vovo rugute mi ake foro te, kina gu nadu be rani ho pai aenge ni, nga nyemu akurani dú adu ti rani.

⁶Gi nga nyemuse re nga ani nita fuo gako rugute. Gi nga rugute re, kina gu oni agi ho pai aenge ni oni nita ata rogo.

⁷Bambiko dungu airanangahe kuru ku zegino, nga agu yo nakusa nga Yesu Kristo ya ko aye ni borose ya. Gi nga iranangahe re nga vurakristo.

⁸Oni bí tironi, ya ka oni íngisi nga agu apai oni amangi ya, ono oni di mosoro si ki rengbe arengba.

⁹Gu ni ka ndu kina ku mbata yo, ka ni anye nga rogo ga Kristo yugopai yo ya, Mbori ti ni te. Gu ni ka nye rogo gu yugopai yo re, ni du Mbori nga Ba ti ni na Wiriko.

¹⁰Ka boro ye koyo du oni ni ka ni aye nga na gi yugopai re ya, ka oni adía nga ni ku gume ku tii gaoni bambu ya, ka oni apaa nga a kuti ni ya.

¹¹Bambiko gu ni ka poi kuti ni ni du adu na ni ti gani gbegberẽapai.

¹²Dungu apai ngbare sa ke he fu roni, mi akpi nga nyemu ka ke he ti waraga ni ime waraga te, ono mi namaa bangire ti ye koyo du oni ni, ka fura na oni moi kpakpuroni, gaoni ngbarago moi pai.

¹³Agu agude sanango ro nga ga siasia wirinamo yo.