Read zande 1 SAMUERE 31 Bible Online

1 SAMUERE 31 - zande bible

1 SAMUERE 31

¹AFereseto ki so vura kuti aYisaraere; aboro aYisaraere ki oro be aFereseto, ki nitiwi ni hogihogi yo bagangara Giriooa yo.

²AFereseto ki niao fuo Saura nyanyaki, na fuo awiriko; aFereseto ki imi a Yonatana na Abi nadaba na Marekisua nangia awiri Saura.

³Vura ki du ni kere he kuti Saura, abaaguanza ki gbia ko; i ki hogi ko gbegberẽ.

⁴Si du Saura ki ya fu gako batindi úvura “Mo mó ga basape, ki ru re na ni puu; agi azangayeratise re ka ye ki rú re puu, ki wasi re.” Ono gako batindi ũvura aida nga ha te; bambiko ko adu na bakere gunde. Si du Saura ki mo gako basape ki ti ngba ha.

⁵Ho gako batindi ũvura abi he ni ya Saura kpi, ko ki ti a tigako ngba gako basape ki kpi wa sa na ko.

⁶Si du Saura ki kpi, na awiriko biata, na gako batindi úvura a, na gako aboro dunduko, ni kina gu uru sa re.

⁷Ho agu aYisaraere naadu mbiti ngboongboorago ku bani, na agu yo naadu mbiti Yaradene yo abi he ni ya aYisaraere oro, aSaura kpiki na awiriko a, i ki mbu gayo abaakporo ki oro; aFereseto ki yega ki nye rogo ho.

⁸Wiso ho aFereseto aye ni ka gbu ahe ti kangba aboro, i ki bi kangba Saura na kangba awiriko biata si piki Bagangara Giriboa yo.

⁹I ki kati riko, ki uru gako ũvura ti ko, ki kedi pai ku rogo ga aFereseto ringara kirikiri, ka gumba gu pangbanga re bambu gayo kpiaahe yo dunduko, na fu aboro a.

¹⁰I ki moi ga Sauro ũvura vuru ga Asetorete bambu yo; i ki banga kangbako kuti vuro ngapa gu bakporo nga Bete-sana

¹¹Ono ho aboro Yabese-girada agi agu apai ni nga gu aFereseto amangi Saura na ni,

¹²ngangarã aboro dunduko ki guari, ki ndu yuru sasasa, ki di kangba Saura na kangba awiriko ti vuro ngapa bakporo nga Bete-sana; i ki yega ku Yabese yo ki zo ho yo.

¹³I ki rogo amemeyo ki kpisidi he tii gu ngua nga abanza du Yabese yo, ki gina riahe tipa rame saba.