Read zemba 1 Ovakorinto 5 Bible Online

1 Ovakorinto 5 - zemba bible

1 Ovakorinto 5

¹Apehe mpamo i, mapa popiwa ovihulo ovivi mokati ken̯i. Iya ovapaani hátjo va kala uke movihulo hinyahi. Iya mba tyaa okutya ku na omulumentu umo nguu lala nomukadhintu waihe.

²Mu litangela tji? Mwa thele okweetetha onkenda. Omuntu nguu ninga nyahi, wa thele okwiithwa mo mokati ken̯i.

³Ame nandaku tiwa katu li pamo monkalo yountu, iya tu li pamo pambepo. Omuntu nguma ningi nyahoka mbe mu koyo ae lukulu, me ngala ngundji li pun̯e.

⁴Amwa ongana mena lyaMuhona wetu Jesus, ame ndji li pamo nan̯e pambepo, odhonkono dhaMuhona wetu opo dhi li,

⁵yandjen̯i omulumentu hengu kuSatana, olutu lwe lu han̯aunwe po, pamo ombepo ye mai ka hupithwa metango lyaMuhona.

⁶Okulitanga kwen̯i, hakuwa. Kamu tji i okutya okantathi okanunu ka pitha ombulunga aihe?

⁷Ithen̯i mo ontathi onkulu, opo mu kale amwa kohoka. Iya mamu kala ngombulunga ombwa, ngahi mu li. Iya ondjona yetu yOpaasa, Kristus, ya dhipawa.

⁸Ngatu dhanen̯i otjipito hitji na omingome mbihavi twiilwe ontathi onkulu, ontathi onkulu ya lundhaka, yo ombi, iya omingome mbihavi twiilwe ontathi, mbyaa kohoka, ovyatjatjili.

⁹Momukanda mbumbe mu sonekela, mbe mu heela okutya hámu i kumo novantu mbave litwaa movihulo.

¹⁰Híme popi ovantu wouye mbave litwaa movihulo ne mbave na olwiho ne mbava kengelela ovantu ne mbava undapela ovikalunga, mena lyokutya ngaile otjo nyahoka, ngai mouye mwa dha mo.

¹¹Iya napano mbe mu sonekela okutya andaa pe na ngume litya omwiitaveli mukwen̯i, atjaa ye we litwaa movihulo ne u na olwiho ne u undapela ovikalunga ne u penya ovantu, ne u pyaluka ne u kengelela ovantu hámu i kumo naye, n̯e hámu li naye nokanunu.

¹²Ndji na tji nokukoya mbahave li meongalo? N̯e kamu koyo mbave li meongalo?

¹³Kalunga ma ka koya mbahave li meongalo. Omusonekwa ngahi mau tyaa: “Ithen̯i mo omuntu omuvi mokati ken̯i.”