Read zemba 2 Ovakorinto 9 Bible Online

2 Ovakorinto 9 - zemba bible

2 Ovakorinto 9

¹Iya kombinga yokupopila ovantu ovadhilikwa womoJudea híme hepa oku mu sonekela.

²Ndji tji i okutya mu na ehalo okupopila, iya me litangele n̯e movipathi vyOvamakedonia. Mbe ve heela okutya ovakwetu owokoAkaia va kala ave lilongekedha okupopila okudha ouvali. Ouvandhi wen̯i wa tutumuna ovengi owomuwo.

³Iya mba tumu ko ovakwetu hemba, okulitangela kwetu n̯e motjipuka hehi opo háku kala vala okwomotjinyo, iya mu lilongekedhe ngahi mba popile.

⁴Iya Ovamakedonia ngave ya naame, have mu vadha ahamu lilongekedhele, okutya matu t̯i ohon̯i unene, hitwa kala atwe liun̯ika mun̯e hinyahi! Ohon̯i yen̯i kaai popiwa.

⁵Iya mbe lipula okutya mba thele okuvandhipaleka ovakwetu hemba, va tenge okuya kun̯e, va longekedhe okwoongedha ovipuka vyotjali mbimwa udhika lukulu okuyandja, hime ya, ndji vadhe ava mana okwoongedha. Hehi matji ka yulika okutya mwa yandja kehalo lyen̯i ovene, hamena lyokutya mwa n̯in̯ikidhwa.

⁶Koneken̯i okutya omuntu nguma kunu popanunu, ma ka teya popanunu. Iya nguma kunu popanene, ma ka teya popanene.

⁷Omuntu auhe nga yandje ngahi a tokola momutima we, há yandja nomutima omuvi ne okungala nguma n̯in̯ikidhwa, mena lyokutya Kalunga u hole nguma yandja nehuluko.

⁸Kalunga ma ulu oku mu pa otjin̯ingi okupon̯a puhimamu hepa, opo mu kale amu na tja apehe atjihe himamu hepa, n̯e mu kale wo amu na tja hitja hulu okuyandja kotjilinga atjihe otjiwa.

⁹Omusonekwa ngahi mau tyaa: “Kalunga u yandja otjali kovathona, ouvyuuki we mau kala katee apehe.”

¹⁰Iya Kalunga nguma pa omukuni ombuto yokukuna, oye ma pa omuntu ovikulya, me ke mu pa wo ombuto aihe ndjimamu hepa, ma ka menetha mbimwa kuna, opo vi mu etele ompepela mena lyokuyandja kwen̯i okuwa.

¹¹Mamu ka pewa elao apehe, mu kale amu na tja himamu yandja, ovengi opo va ka hivilike Kalunga mena lyovipuka vyen̯i vyotjali mbimatu yandja kuwo.

¹²Iya epopilo ndyoka ndimamu longekedha kaali ka mana po vala oluhepo lwovadhilikwa vaKalunga, iya mali ka etela wo Kalunga ompandu on̯ingi.

¹³Iya mena lyotjilinga hehi himwe ve ningila, mava ka pandula Kalunga himu tyaa kondaka ombwa yaKristus nahimu na oukumo nawo novantu avehe.

¹⁴Iya nawo mave ke mu kumbila wo ave na ohole on̯ingi mena lyet̯ilonkenda enene Kalunga ndyee mu holololela.

¹⁵Kalunga nga pandulilwe otjali tje hihatji tjiiwa okutumbulwa.