Read zemba 1 Timoteus 2 Bible Online

1 Timoteus 2 - zemba bible

1 Timoteus 2

¹Olutengatenga me pukulula okutya ngaku kumbwe, ngaku ningwe omaalikano, ngaku kumbilwe, ngaku yandjwe ompandu kuKalunga mena lyovantu avehe,

²odhohamba novatumini avehe, opo tu kale nouwa, atwa tutuvala, tu kale nonkalo ombwa nontilokalunga.

³Hehi otjo tji li otjiwa, matji hulukitha Kalunga, Omuhupithi wetu,

⁴ye u hala ovantu avehe va hupithwe, wo va iwe otjatjili.

⁵Iya Kalunga yuumo. Ngwaa wan̯en̯eka ovantu naKalunga yuumo, omuntu oKristus Jesus,

⁶ngwee liyandja omwene, a ile ondjowo yovantu avehe. Otjipuka hehi Kalunga we tji ninga potembu ombwa.

⁷Iya ame mba tuwa po, ndji kale omuteethi nomuyapostoli, ndji longethe ovapaani eitavelo lyatjatjili. Me popi otjatjili híme kembe.

⁸Iya ame me hala ovalumentu, apehe amava kumbu ngava yele omawoko, háva kumbu noluyuma ne nolutangu.

⁹Ame me hala wo ovakadhintu va dhale omidhalo vyawo mbimavi yulike onkalo ombwa, mbyaa kohoka. Háve litata omapanda ku tuwe ovingoldo nomakwalali ngamaa laima ne omidhalo mbii na okalu,

¹⁰iya va thele okuundapa ovilinga oviwa mbimavi thevelwa ovakadhintu, mbave na ontilokalunga.

¹¹Omukadhintu nga teelele aa nyimi, hé linomo.

¹²Ame híme yetha ovakadhintu, va longethe meongalo ne va tumine ovalumentu, va thele okukala ava nyimi.

¹³Ngwaa utwa olutenga oAdam, haku ya Eva.

¹⁴Ngwaa pukithwa olutenga haAdam, ngwaa pukithwa omukadhintu, ha yono otjitumino tjaKalunga.

¹⁵Omukadhintu ma hupithwa hima yumuka odhondele, andaa ma kala ae na eitavelo, ohole, ouvyuuki nouhila.