Read zemba Titus 2 Bible Online

Titus 2 - zemba bible

Titus 2

¹Iya ove longa ovipuka mbyaa vyuuka.

²Odhombwale ngava kale ovalidhiliki wonkalo ndjaa tumbala, mbave likambula nawa, ovakohoki meitavelo, mohole nomelikambulithilo.

³Ovakulukadhi nawo ngava kale nonkalo ndjee thevelwa ovavyuuki, havakuminini, havapika wovikunwa ovingi, iya ngava kale ovalongi wouwa,

⁴opo ve tjiiwe okupukulula ovakadhintu, ovakadhintu mboka va kale ave hole ovalumentu vawo, wo va kale ave hole ovana.

⁵Iya va kale nonkalo ombwa, novakohoki, mbave tji i okutekula odhonganda dhawo, ovaundapi wouwa, mbava tyaa kovalumentu vawo, ondaka yaKalunga opo hái penywa.

⁶Ovalumentu nawo ve pukulula, ve liyunge nawa.

⁷Movipuka avihe ove ila omuholelwa wovilinga oviwa, nelongo lyoye ngali kale alya kohoka, lyo alya tumbala.

⁸Popya odhondaka ndhihamadhi ku lalulitha, opo ovakondjethi woye va t̯ithwe ohon̯i, ahamava ulu uke oku ku popila mouvi.

⁹Ovapika ngava tyee kovahona vawo, wo ve ve hulukithwe movipuka avihe, ahamave ve yaka,

¹⁰ahamave ve vaka, iya ngava yulike okutya wo ovantu ovawa, ovaliun̯ikwa, opo va tumbalekethe elongo ndyoka ndimali popi Kalunga Omuhupithi wetu, movipuka avihe mbyoka mbimava ningi.

¹¹Iya et̯ilonkenda lyaKalunga lye ya, li etele ovantu avehe ehupitho,

¹²iya mali tu longo, nt̯e tu yethe okutomba Kalunga, nehalo lyouye, nt̯e tu likambule nawa mouvyuuki nokutumbaleka Kalunga mouye hembu wanapano,

¹³mokukevelela kwetu ehwithilopo lyekevelelo lyelao nokuya kwetumbalo lyaKalunga omunene nolyOmuhupithi wetu Jesus Kristus,

¹⁴ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.

¹⁵Popya ovipuka hembi, ove u ve ilikin̯e, u ve tjaele nodhonkono adhihe ndhiwa pewa. Hápa kala omuntu noumo ngume ku tombo.